Gonbidapen bat jasotzen duzu. Pailazo batek bere hileta ospatzen du. Goian bego, pailazo. Landa berri eta hobea aurki dezazula.
Irria beti gelditzen da. Beste ezer gelditzen ez denean ere, irria geratu egiten da, badaezpada ere. Hazi bat bezalakoa da. Denbora eman behar zaio, hazteko. Denbora eta zainketa pixka bat... baina emankortasun gutxieneko lurretan ere, argitara ateratzeko gai da. Basamortuan ere. Fedea mantendu behar da, antzerkian bezala, berdin-berdin. Fedea eta sekulako pazientzia. Pertsonalki, clown-a horretan datzala uste dut. Haziak landatzean, lurra triste egon arren, lehortzen joan den arren. Ureztatzean eta haztean, loratzean. Antzezlan hau ahaztuak izan diren hazi batzuetatik jaio egin da, landatu gabe utzi ziren horietakoak. Pailazo baten porroten zeharoko bidaiatik eta noizbait izatera iritsi nahi izan zuen gauza guzti horien hiletatik. Landa Bila.